Pentecost

Veni,creàtor Spìritus, mentes tuòrum visita, imple supérna gràtia, quae tu creàsti péctora. Qui dìceris Paràclitus, donum Dei,Altìssimi, fons vivus,ignis,càritas, et spiritàlis ùnctio. Tu septifòrmis mùnere, dextrae Dei tu dìgitus, tu rite promìssum Patris, sermòne ditans gùttura. Accénde lumen sénsibus: infùnde amòrem còrdibus: infìrma nostri còrporis virtùte firmans pérpeti. Hostem repéllas lòngius, pacémque dones pròtinus: ductòre sic te praevio vitémus omne nòxium. Per te sciàmus da Patrem, noscàmus atque Fìlium, te utriùsque Spìritum credàmus omni témpore. Deo Patri sit gloria, Et Filio,qui a mortuis Surrexit,ac paraclito, In saeculorum saecula. Amen.